انتي بت فوضي خلاقه

                                                                                                                                             صديق  : سلطه ! عارفه انتي اكتر كلمه توصفك ايه ؟ 

انا:  ايه يا خويا ؟     

هوه: سلطه انتي مثال واضح للفوضي الخلاقه :).

انا:  يا فضحتي اخشع ياض انت هتودي سلطه في داهيه.

بعد ما الحوار الشيق ده ما خلص و انتهي علي اني انا الفوضي الخلاقه اللي ماشيه علي الارض وطبعا كنت متكدره ازاي الجدع ده يقول عليا كده.....

قعدت مع نفسي و بدات تنهال عليا الذكريات الاليمه للكلمه دي ..اللي منكو مش فاكر يا حضرات ان الفوضي الخلاقه مصطلح سياسي استخدمتو(كوكي رايس) في اعقاب الحرب علي العراق و انها بكده يعني يتقولنا هتنضفو يعني هتنضفو (ماعلينا)...و محدش ينكر ان الكلمه دي بترفز اي واحد عربي عندو مروه و شهامه و ابن بلد ..      مش نطع ولمواخذه يعني في دي الكلمه..

قلت بيني و بين نفسي جري  ايه يا بت يا سلطه كلمه هتقلبلك كيانك  يمكن اكون ظالمه كوكي ولا حاجه..

 قلت مابدهاش كتبت كلمه الفوضي الخلاقه في جوجل (سترنا علي طول الصراحه)..,,وطلعطلي في وكيبيديا التعريف التالي:

..)هو مصطلح سياسي / عقدي يقصد به تكون حالة سياسية أو إنسانية مريحة بعد مرحلة فوضى متعمدة الإحداث

على الرغم من وجود هذا المصطلح في أدبيات ((((الماسونية))))) القديمة  )..انا قريت ماسونيه دي و وقفت 

بصراحه لاني جالي حاله من الفصلان الشديد و قلت بعلو صوتي:::::

احيييييييييييييييييييييييييييييييييييييييييييييييييييه هزت البيت 

حسيت اد ايه الدنيا صغيره و بقيت ببص في المرايا و اقو لياه انتي يا اقصر مخلوقات ربنا تبقي كدا؟!!..

حسيت اد ايه الدنيا صغيره و بقيت ببص في المرايا و اقو لياه انتي يا اقصر مخلوقات ربنا تبقي كدا؟!!..

وبعد فتره من التفكير و التمحيص و التدقيق في المعني الحرفي للكلمتين دول ..

اكتشفت ان مش عيب البني ادم  ان مكوناتو ملخبطه بس اهم حاجه يكون متاكد ان كل حاجه فيه عارف وظفيتها و عارف ازاي بتشتغل صح ..

مدرك كل حاجه حلوه فيك و عارف تستغلها كويس...

وخليك دايما فاكر الجمله دي ان البرنس هوه اللي بيخلي الناس تشوف ديفوهاتو(عيوبو) علي انها مميزاتو عارف ليه لان انت اصلا جامد..

خلي الناس تشوف عيوبك علي انها مميزاتك..؟؟؟

شطارتك انك تخلي الفوضي الغير خلاقه الي فوضي  خخخخلاقه..

اعتبر نفسك زي لعبه البازل في مخيلتك انك متلخبط بس في الاساس انك صوره حلوه اوي بس محتاج اللي يجمعها ومفيش حد غيرك هيجمعها وقبل ما تجمعها لازم تتخيلها هي تستحق كده J ..عمر ما الصوره هتتكون صح الا لو اتشافت في خيلاك الاول J

لو انت حاسس  انك عباره عن مجموعه حاجات مش شبه بعضها تاكد ان كل حاجه ليها فايده جواك ...انت مزيج من 

لخبطيتا عملت حاجه حلوه اوي سوا..مين كان يصدق مثلا ان الموف ممكن يتلبس مع الاصفر :S او علامه البي ام دبليو تتحط علي ميكروباص التراماكو؟؟؟؟؟!!!!

اؤمن بنفسك اين كان هدفك ..قول لنفسك كل يوم انت عظيم وهتحول فوضتك لابداع J

وفي الختام بعد كل الكلام:

اعتقد ان عمر كوكي رايس ماتخيلت ان مصطلح الفوضي الخلاقه ممكن يفيد بني ادم غير الامريكان J

نخبه بالفول و الطعميه

في يوم في ليله و سنه بحالها عاملين نسمع كلمه نخبه ..قاعدت مع نفسي كده و قلت يعني ايه نخبه ؟؟ كل ما قلب التلفزيون يا  خويا يقولي النخبه كل ما افتح جورنااال يقولي النخبه بتقول كده.بعد كل وكسه من الوكاسات اللي مرت بيها بلدي حبيبتي يجبلي مانشيت طولو اد عرضو و وشو زي قفاه يقولي النخبه رايها كذا .تيجي تحصل حاجه مثلا و اتكلم مع امي فيها تقولي اسكتي لو سمحتي النخبه رايها كدا وانتي ايش فهمك انتي يا امو واحد و عشرين سنه ..سكت و قررت اني اعرف معني النخبه يعني ايه نخبه .قلت ابدا اني اخذ راي الكبير بتاعي رحت لبابا قولتولو يا بابا ايه هيه النخبه ..قالي يا بنتي همه صفوه بلدك اللي يوم مبنحس اننا مزنوقين في راي و لا محشورين في موقف همه اللي بينقذونا علي طول حسيت بيني و بين نفسي انو بيتريق قلت ده اخر كلام عندك يا بابا قالي اه..قولت بيني و بين نفسي لا مش هاخد راي حد تاني انا هبحث و اتمحص و افحص الاول و بعد كده اقرر بنفسي ..فتحت شبكه المعلومات العنكوبوتيه وقلت يلا يعني ايه نخبه ؟؟؟ فتحت المعجم كده  لقيت ان معنها همه جماعه من الناس المنقاه و المختاره من مجموعه كبيره من الناس قلت يالهوي انا منقتش حاجه حصل امتي ده سالت كل اللي اعرف نفر نفر محدش نقي حاجه قلت يمكن انا مش مواكبه الاحداث و لا الناس اللي اعرفهم..

و بعد ما عرفت يعني ايه نخبه و معناها الاصلي في اللغه العربيه حاولت اربط ملقتش اي حبل يربط ما بين الاتنين اللي بشوفو ليل و نهار علي التلفاز و اللي قريتو انشاله حتي حبل غسل..قلت معلش يا بت بدات اسال اصحابي المثقفين و اللي كاتبين قبل اسمهم علي التوتير ناشط سياسي ..و بعد ما سالت كذا حد مفهمتش حاجه بردو بصيت في المرايا قلت لنفسي اوعي يا بت تكوني  غبيه و لا غبيه مهو مش كلمه اللي هطلع عينيك كده قلت لا للياس وبدات افكر في محور بحث تاني وهوه اني اتفرج عليهم نفر نفر في التلفاز من الساعه سابعه بليل و لحد 2 بليل مرورا بجميع التوك شو من اول الحياه اليوم لحد القاهره اليوم بقيت اعرف اسامي مقدمين التوك شوو اكتر من اسمي .حد هيقولي و ليه التوك شو هقولو لانهم اللي بيجبو النخبه يا ذكي .بعديها بشويه و بعد المتابعه الدقيقه العميقه اصابتني اعراض اكتئاب حاده غثيان مستمر .حول في العين .الي جانب تكسح في القدمين ....وقررت اخد اسبوع راحه في الاسبوع ده جاتلي اعراض انسحاب طفيفه زي تشنجات او ما اسمع كلمه الان او العاشره او مساءا او هنا او اي حاجه فيهاحرف من حروف كلمه تجديد بلاضافه الي كلمتي قبل و بعد ....................

وبعد اسبوع من العلاج المتكون من فقره مكثفه لنجوم اف ام اللي احيانا بردو مبتخلاش بس اهو بجرعه مخففه والصراحه بدات اخف ......بعد كده قعدت مع نفسي و قلت في ايه مكنتش كلمه  و يعد التفكير الطويل قدرت اوصل لمعني الكلمه دي ::

النخبه ::: هيه عباره عن قاعده انس تضم جميع من تؤل لهم انفسهم انهم يتكلمو في اي حاجه و كل حاجه و في اي مكان مع العلم ان قاعده الانس دي بتتجمع حول طبليه ومن يشرف علي هذه الطبليه هوه المذيع او مطيب الخواطر ...

تيجو نتكلم بجد شويه ؟؟ اللي لازم نعترف بان بلدنا بلا نخبه و لو اتكلمنا باسلوب اشمل شويه هنتاكد ان  احنا اساسا معندناش ناس اصحاب مشوره واحد لما يطلع في التلفزيون تحس من كلمو انو بيعشق تراب البلد دي ووبيخاف علي اهلها و عايز مصلحتها بل لما تشوفهم بيتكلمو بيتفننو في ان كل واحد ان كلامو يطلع صح و مش مهم اصلا اذا كان صح فعلا او لا ..انانفسي يعملو قانون و يسموهوه لو ملكش فيها و اتكلمت عليها هنعلقك عليها …………

بلد بلا نخبه محترمه مثقفه واعيه غير متحزيه زي اوضه من غير شباك زي عربيه من غير بنزيين